O le Atua e mai le vavau e o'o i le fa'avavau, e mai le amataga ae le iloa lava sona gata'aga, o ia o le alefa ma le omeka, o le muamua o ia foi le mulimuli, o ia o le na amataina, e fa'amaoni lava na te fa'ai'uina. Ua leai se tau masina ma le Atua o atua, aua ua leai lava se tasi e tu'u afu lona soifua. E le afio o ia i se malumalu e faia i lima o tagata, a'o maota na ia faia i ona lava a'a'o alofa, o tatou loto lea ma o tatou agaga. E la'ei o ia i fua o tatou laugutu, o a tatou vi'iga tu'uina atu. E tatau ia te ia le vi'iga ma le fa'ane'ene'ega, e onomea ia te ia le mamalu ma le fa'amanuga ma le malosi atoa uma. O mea uma tatou te faia ia faia e vi'ia ai le Atua, o mea uma foi ua iai le manava ola, ina vivi'i atu ia ia Ieova aua e fa'avavau lava lona alofa. vi'ia lona suafa, e fa'avavau fa'avavau lava